Пад Харкавам адбыўся выбух на чыгунцы
У Харкаўскай вобласці на маршруце руху цягніка Лісічанск — Харкаў адбыўся выбух, пацярпелых няма.
Як паведамляе МУС Украіны, машыніст пачуў хлапок і вымушаны быў затармазіць. Падчас агляду цягніка выявілася, што пад адным з вагонаў пашкоджана чыгуначнае палатно, пацярпеў і сам цягнік.
За апошнія некалькі месяцаў у Харкаўскай вобласці адбыліся некалькі выбухаў. Апошні такі інцыдэнт здарыўся 6 сакавіка, тады выбухнуў аўтамабіль камандзіра спецыяльнага батальёна патрульнай службы міліцыі «Слабажаншчыны» Андрэя Янголенка.