Керы сустрэўся з кіраўніком МЗС Кубы
Дзяржсакратар ЗША Джон Керы сустрэўся з кіраўніком МЗС Кубы Бруна Радрыгесам у Панаме. Гэта першая за 50 гадоў афіцыйная сустрэча кіраўнікоў знешнепалітычных ведамстваў дзвюх краін.
Дыпламаты праводзяць перамовы ў рамках «Саміту Амерык», які адкрыўся ў чацвер у Панаме.
Як чакаецца, у пятніцу ў рамках саміту павінна адбыцца сустрэча прэзідэнта ЗША Барака Абамы з кубінскім лідарам Раулем Кастра.
Раней паведамлялася, што Дзярждэпартамэнт ЗША рэкамендаваў Абаму выключыць Кубу з спісу краін, якіх улады ЗША лічаць спонсарамі тэрарызму.