«Рэал» абвясціў пра прызначэнне Бэнітэса
AFP
Былы галоўны трэнер «Напалі» Рафаэль Бэнітэс афіцыйна ўзначаліў «Рэал».
Кантракт з 55-гадовым спецыялістам разлічаны на тры сезоны.
Прэзентацыя і прэс-канферэнцыя Бэнітэс адбудзецца сёння ў 13.00 па мясцовым часе.
Нагадаем, што Бэнітэс змяніў на пасадзе галоўнага трэнера «Рэала» Карла Анчалоці.
Рафаэль Бэнітэс нарадзіўся ў Мадрыдзе ў 1960 г., працаваў у «Рэале» ў пачатку 1990-х у якасці асістэнта, трэніраваў рэзервны клуб «Кастылья», затым — шэраг іспанскіх клубаў, у тым ліку «Валенсію» (2001—2004), пасля — «Ліверпуль» (2004—2010), «Інтэр» (2010), «Чэлсі» (2012—2013), «Напалі» (2013—2015).