Побач з рэзідэнцыяй Лукашэнкі паставілі інсталяцыю «жалезны хакеіст» ФОТАФАКТ
Сёння ў Мінску на востраве Камсамольцаў у акваторыі Камсамольскага возера адкрыўся праект «Арт-астравы» з інсталяцыямі сучасных беларускіх мастакоў. Адна, з размешчаных у некалькіх сотнях метраў ад новай рэзідэнцыі Аляксандра Лукашэнкі, інсталяцыя мае назву «Жалезны хакеіст». Інсталяцыя ў выглядзе атакуючага хакеіста звараная з жалеза і спецыяльна пакрытая іржой, каб, па словах аўтара інсталяцыі мастака Віктара Астэра, «паказаць натуральную мужнасць і жорсткасць у вобразе хакеіста — сапраўднага барацьбіта за перамогу сваёй каманды».