Дзяржсакратар Рады бяспекі Аляксандр Мяжуеў звольнены праз «складаныя сямейныя абставіны»
Аляксандр Лукашэнка вызваліў ад пасады дзяржсакратара Рады бяспекі Аляксандра Мяжуева па яго просьбе ў сувязі са складанымі сямейнымі абставінамі. Аб гэтым паведамілі ў прэс-службе беларускага лідара.
Праўда, ужо вечарам слова «складаныя» знікла з паведамлення і было замененая на «в связи со сложившимися семейными обстоятельствами».
На сайце pravo.by пакуль не з’явіўся афіцыйны ўказ Лукашэнкі аб вызваленні Мяжуева з пасады, таму незразумела як будзе гучаць канчатковая версія.