Закінуты палігон пад Столінам зноў гарыць
Было ўжо 12 выбухаў старых боепрыпасаў. Агульная плошча пажара — каля 200 гектараў.
Тушэнне абцяжарана тым, што на тэрыторыі палігона ёсць старыя боепрыпасы, якія час ад часу выбухаюць, паведамляе прэс-cлужба МНС.
Учора, 8 ліпеня з 15.00 да 20.00 адбылося 12 выбухаў. Акрамя таго, да месца ўзгарання няма пад'язных шляхоў. Пакуль што верталёт МІ-2 РУП «Беллесавія» маніторыць становішча і ажыццяўляе авіяцыйнае патруляванне. З людзей ніхто не пацярпеў.
Нагадаем, што былы вайсковы палігон у Столінскім раёне ўжо гарэў у сярэдзіне чэрвеня. Вогнішча ліквідавалі толькі праз 5 дзён
.