Назад у 90-я: у Баранавічах рабаўнікі катавалі жанчыну прасам
Баранавіцкай міжраённай пракуратурай арыштаваныя двое раней судзімых жыхароў г. Баранавічы, якія ўчынілі разбойны напад на жанчыну ў яе кватэры.
Па словах старшага інспектара групы інфармацыі і грамадскіх сувязяў Баранавіцкага ГАУС Вольгі Сакута, забраўшыся ў жыллё жанчыны, падазраваныя пачалі вымагаць у яе нібыта скрадзеныя ў іх грошы. Спачатку мужчыны абрэзалі сваёй ахвяры валасы, а затым катавалі распаленым прасам.
Забраўшы 300.000 рублёў рабаўнікі сышлі. Аднак неўзабаве іх затрымалі супрацоўнікі міліцыі. Рабаўнікам пагражае да 15 гадоў пазбаўлення волі з канфіскацыяй маёмасці.