«Не чапай, бо лясне!» Плакат школьніцы з Палесся стаў хітом беларускага інтэрнэта
Просты плакат з ёмкім надпісам стаў надзвычай папулярным у беларускіх сацыяльных сетках. Намалявала плакат 10-гадовая Наталля Хвацік з мястэчка Азарычы Гомельскай вобласці. Яна ўдзельнічала з ім у конкурсе «Энергетыка вачыма дзяцей».
Папулярнасць плаката звязаная з папулярнасцю вобразнага беларускага слова «ляснуць». Школьніца, што называецца, «зняла яго з языка». Яно шырока ўжываецца нават рускамоўнымі жыхарамі краіны, прычым у розных кантэкстах.