Apple пацвердзіла званне самага дарагога брэнда
Кампанія Apple зноў названая найбольш дарагім брэндам у свеце, чаму паспрыяў выхад на рынак яе смарт-гадзіннікаў, а таксама смартфона iPhone 6S.
Спіс 100 найбуйнейшых брэндаў штогод складаецца кансалтынгавай фірмай Interbrand.
Другі радок у спісе займае інтэрнэт-гігант Google, адразу за ім ідзе Coca-Cola.
Капіталізацыя Apple ацэньваецца прыблізна ў 170,3 млрд даляраў. Рост за год склаў 43%.
Да 2013 года званне самага дарагога брэнда ў свеце ўтрымлівала Coca-Cola, пасля чаго саступіла гэтае месца Apple.
У гэтым годзе ў спісе дамінуюць кампаніі, якія працуюць на лічбавым рынку: у сотню самых дарагіх выйшлі 13 IT-брэндаў, уключаючы Facebook, чый кошт за год вырас на 54%, а таксама Microsoft і Samsung.