Расія разгледзіць просьбу Ірака нанесці авіяўдары, калі яна паступіць
Спікер Рады Федэрацыі Валянціна Мацвіенка сказала, што Расія гатовая разгледзець магчымасць удзелу ў ваеннай аперацыі Ірака супраць «Ісламскай дзяржавы».
«У выпадку афіцыйнага звароту Ірака да Расійскай Федэрацыі кіраўніцтва краіны разгледзіць палітычную і ваенную мэтазгоднасць удзелу нашых паветраных сілаў у ваеннай аперацыі», — сказала Мацвіенка падчас свайго афіцыйнага візіту ў Іярданію.
Яна дадала, што пакуль Ірак не звяртаўся да Расіі з просьбай аб удзеле ў ваеннай аперацыі.