Букмекеры рэзка павысілі каэфіцыенты на перамогу Алексіевіч у Нобелеўскай прэміі па літаратуры
Учора ўвечары букмекерская кантора ladbrokes змяніла каафіцыенты на перамогу беларускай літаратаркі Святланы Алексіевіч на Нобелеўскую прэмію па літаратуры.
Цяпер стаўкі на яе перамогу прымаюцца з каэфіцыентам 3 да 1, а не 5:1, як яшчэ ўчора ўдзень. Алексіевіч пакуль упэўнена ідзе на першым месцы.
Следам з ёй размясціліся японец Харукі Муракамі і кеніец Нгугі Ва Тхіёнга. На іх стаўкі прымаюцца з разлікам 6 да 1.
У трэцяй кагорце ідуць наступныя літаратары: Ён Фосэ (Нарвегія), Джойс Кэрал Оўтс, Філіп Рот (абое – ЗША). Іх шанцы ацэньваюцца як 10 да 1.
Абвяшчэнне сёлетняга лаўрэата адбудзецца заўтра ў Стакгольме.