Ярмошына пашыла некалькі новых строяў да выбарчай кампаніі
Старшыня Цэнтральнай выбарчай камісіі Лідзія Ярмошына пашыла для сябе некалькі новых строяў перад стартам цяперашняй выбарчай кампаніі. Пра гэта яна заявіла падчас анлайн-канферэнцыі на сайце Белтэлерадыёкампаніі.
Лідзія Ярмошына распавяла, як ёй удаецца пастаянна трымаць сябе ў тонусе. «Перш за ўсё трэба падтрымліваць у сябе пазітыўны настрой, як мага больш рухацца. Я шмат гуляю і плаваю, напэўна, гэта і дазваляе мне трымацца ў тонусе», — сказала Лідзія Ярмошына.
Па словах кіраўніка ЦВК, казаць аб сваім адпачынку ёй пакуль рана. Практычна адразу ж пасля падвядзення вынікаў выбараў прэзідэнта Беларусі Лідзія Ярмошына накіруецца на парламенцкія выбары ў сталіцу Азербайджана Баку.