Праз 9 месяцаў пасля заявы МУС пра блакаванне «наркасайтаў» адзін з іх працягваў дзейнічаць СКРЫНШОТЫ
абноўлена 13.55
Дзевяць месяцаў таму кіраўнік Упраўлення па наркакантролі МУС Васіль Лосіч сказаў, што пытанне закрыцця большасці рэсурсаў па продажы «спайсаў» — гэта пытанне часу.
Насамрэч, неўзабаве доступ да найбуйнейшага і, па факце адзінага рэальна працуючага сайта, быў закрыты.
Але, як выявіла «Наша Ніва», самы папулярны сярод прадаўцоў і спажыўцоў зла сайт ізноў дзейнічае. (Мы зацёрлі толькі ўсе адрасы і спасылкі.)
Мы выйшлі на яго, не карыстаючыся ні ТОРам, ні іншымі ананімайзерамі — яго адкрывае просты браўзер «Гугл Хром».
За распаўсюд спайсаў пагражаюць вялізарныя тэрміны зняволення. Таму «барыгі» вымушаныя шукаць сабе дураватых работнікаў праз неймаверныя абяцанкі.
У Міністэрстве інфармацыі гэту дзіўную сітуацыю патлумачыць не здолелі, параіўшы звяртацца ў Рэспубліканскае ўнітарнае прадпрыемства па наглядзе за электрасувяззю, якое і блакуе сайты пасля загадаў іншых ведамстваў.
Начальнік тамтэйшага аддзелу інфамацыйных тэхналогій Аляксандр Сімончык сказаў, што не ведае, ці заблакаваны гэты рэсурс: гэта закрытая інфармацыя.
Тым не менш, на сайт можна прабіцца — гэта факт, які патрабуе рэагавання.
P.S. 13.55. Літаральна адразу пасля публікацыі нашай інфармацыі сайт стаў недаступны, але пасля мы зноў змаглі зайсці на старонку.