Новых вадамётаў ГУУС Мінгарвыканкама не закупляла, заявілі ў сталічнай міліцыі
Інфармацыю пра вадамёты паведаміў у сваім фэйсбуку Кірыла Валошын
«Ніякіх» новых вадамётаў ГУУС не закупляла. Усё, што маецца на балансе, набыта даўно», — гаворыцца ў каментары сталічнай міліцыі ў фэйсбуку да інфармацыі аб набыцці ГУУС Мінгарвыканкама перад прэзідэнцкімі выбарамі пяці браняваных вадамётаў, прызначаных у тым ліку і для разбурэння барыкад.
Прэс-сакратар ГУУС Мінгарвыканкама Аляксандр Ластоўскі пацвердзіў БелаПАН, што такія машыны маюцца ў рэзерве сталічнай міліцыі. Колькі іх, яму не вядома.