Калякін хацеў галасаваць супраць усіх, але перадумаў
Лідэр партыі «Справядлівы сьвет» Сяргей Калякін вырашыў не хадзіць на выбары, ён будзе каардынаваць назіральнікаў.
«Я, як адзін з двух каардынатараў кампаніі «За свабодныя выбары», сёньня цэлы дзень займаюся камунікацыяй з рэгіянальнымі мэнэджарамі кампаніі. Рыхтуем фінальную справаздачу, якую прэзэнтуем ужо 12 кастрычніка а 9.00. Сёньня, у асноўны дзень галасаваньня, у кампаніі задзейнічана больш за дзьве з паловай тысячы назіральнікаў».
«Сам я пакуль не хачу галасаваць. У мяне было жаданьне пайсьці прагаласаваць супраць усіх. Але, паглядзеўшы на тое, што адбываецца, вырашыў не хадзіць», — сказаў Свабодзе Сяргей Калякін.