«Не правакуй мяне на макруху»: як артыст Вялікага тэатра затрымаў злодзея ў Мінску
Артыст балета Вялікага тэатра Кірыл Фурман нядаўна затрымаў на вуліцы злодзея, які вырваў сумачку ў жанчыны. Справіцца з злачынцам яму дапамог кіроўца прыватнай кампаніі Аляксандр Аглушэвіч, які апынуўся непадалёк. Як неабыякавыя хлопцы злавілі рабаўніка, распавядаецца на сайце МУС.
Усё пачалося з таго, што мужчына вырваў з рук жанчыны жаночую сумачку і пачаў уцякаць. Артыст быў непадалёк і пачуў крык аб дапамозе.
«А ў дзяцінстве бацькі навучылі мяне: калі чалавек у бядзе, то яму трэба дапамагчы», — сказаў хлопец.
Кірыл пабег за рабаўніком, але той спыніўся і дастаў нож. «Не правакуй мяне на «макруху» — пагражаў ён Кірылу, які ўжо быў гатовы біцца.
Аднак злодзей зноў пачаў уцякаць, а хлопец зноў пабег за ім. Пагоню ўбачыў Аляксандр Аглушэвіч, што рамантаваў машыну.
«Калі Кірыл падаў мне знак, мы вырашылі заблакаваць ўцекача», — распавёў ён.
Пасля гэтага рабаўнік выкінуў сумку, але хлопцы працягнулі даганяць яго.
«Сумку мы вярнулі. Але мужчыну трэба было затрымаць. Па-першае, ён пагражаў нажом. Па-другое, здзейсніў рабаванне. Мы разумелі: калі яго не пакараць, ён і далей будзе здзяйсняць такія ўчынкі», — растлумачыў артыст.
Праўда, злодзей спыніўся сам па сабе, пачаў ціснуць на жаль і распавядаць, што ў яго хварэе сястра і ім патрэбныя грошы на лячэнне. Але Кірыл успамінае, што мужчына быў п'яны, і мяркуе, што грошы былі патрэбныя на выпіўку.
«Неўзабаве ён змірыўся з тым, што збегчы не атрымаецца, папрасіў закурыць і спакойна стаў чакаць прыезду міліцыі», - распавёў Аляксандр.
За праяўленую мужнасць маладыя людзі атрымалі падзячныя лісты і падарункі з рук начальніка Кастрычніцкага РУУС Андрэя Сачкова.