У Мінску на дзіцячай пляцоўцы бетонная арка ўпала на дзвюх школьніц
У Мінску на дзіцячай пляцоўцы бетонная арка ўпала на дзвюх школьніц, паведамілі ў МНС. Гэта здарылася ў Маскоўскім раёне на вуліцы Касманаўтаў, 24 кастрычніка, у 17.54. У выніку падзення бетоннай аркі з металічнай лесвіцай на дзіцячай гульнявой пляцоўцы былі траўмаваныя дзве дзяўчынкі 2006 года нараджэння. Дапамога ратавальнікаў не спатрэбілася. Дзеці дастаўленыя ў бальніцу.