Пасол ЗША не спадзяецца на хуткае вяртаньне ў Беларусь
Пасол ЗША ў Беларусі Карэн Ст’юарт заявіла ў гутарцы з журналістамі ў аўторак, што ня ўпэўненая ў хуткім вяртаньні ў Беларусь.
Karen Stewart |
Пасол ЗША ў Беларусі Карэн Ст’юарт заявіла ў гутарцы з журналістамі ў аўторак, што ня ўпэўненая ў хуткім вяртаньні ў Беларусь. Адміністрацыя ЗША цяпер вывучае патрабаваньне Беларусі скараціць колькасьць пэрсаналу амэрыканскага пасольства ў Менску, агучанае ў выглядзе настойлівай рэкамэндацыі. Карэнт Ст’юарт адзначыла, што ў Вашынгтоне «ня лічаць гэтае патрабаваньне апраўданым».
Пасол зноў падкрэсьліла гатовасьць ЗША прапанаваць меры па паляпшэньні двухбаковых адносін зь Беларусьсю ў выпадку, калі ўлады краіны вызваляць палітзьняволеных.
«Вызваленьне палітзьняволеных — гэта крок, які адчыніць дзьверы для паляпшэньня стасункаў ва ўсіх сэнсах», — падкрэсьліла Карэн Ст’юарт .