«Белавія» не адмяніла рэйсы ў Францыю
Палёты ў Парыж і Ніцу не прыпынены.
У пятніцу вечарам тэрарысты атакавалі некалькі раёнаў Парыжа. Як паведамляюць СМІ, загінулі больш за 150 чалавек. Найбуйнейшая амерыканская авіякампанія American Airlines на некаторы час прыпыніла палёты ў Парыж.
Авіякампанія «Белавія» працягвае лётаць у Францыю.
— У нас сёння ёсць рэйс у Ніцу. Ніякіх абмежаванняў няма ні з боку Францыі, ні з боку Еўракантроля, — паведамілі kp.by у авіякампаніі.