У Парыжы адмянілі спартыўныя мерапрыемствы і закрылі Дыснэйлэнд
Улады Парыжа прынялі рашэнне прыпыніць правядзенне ўсіх спартыўных мерапрыемстваў у бліжэйшыя два дні пасля серыі пятнічных нападаў, у выніку якіх загінулі больш за 120 чалавек.
Таксама ў суботу не будзе працаваць адна з самых папулярных славутасцяў французскай сталіцы — парыжскі Дыснэйлэнд.
У паведамленні на сайце парку забаў адзначаецца, што такое рашэнне прынята з салідарнасці з французскім грамадствам і пацярпелымі ў выніку нападаў.