«Ісламская дзяржава» ўзяла на сябе адказнасць за тэракты ў Парыжы
«Ісламская дзяржава» ўзяла на сябе адказнасць за тэракты ў Парыжы, паведамляюць сусветныя СМІ, у прыватнасці Еўраньюс.
У выніку шасці тэрактаў у Парыжы загінулі 127 чалавек, 250 паранена, 99 знаходзяцца ў крытычным стане. Паведамляецца, што сярод пацярпелых ёсць беларус.
У Францыі абвешчана трохдзённая жалоба. Прэзідэнт Алянд заклікаў французаў да еднасці.