Фанат у майцы з «Пагоняй» збіў іншага фаната ў Жыткавічах ВІДЭА. МУС: «У каго яшчэ ёсць пытанне «Прычым тут Пагоня?»
Што думаеце?
Сёння Міністэрства ўнутраных спраў паведаміла пра злачынства ў Жыткавічах. Футбольны фанат «Калінкавіч» у майцы з «Пагоняй» жорстка, нагамі, збіў юнака-фаната «Жыткавіч» са словамі «скажы, што адпісваешся ад антыфашысцкага руху». Калега калінкаўца зняў усё гэта на відэа, якое трапіла ў сеціва.
Паводле міліцыі, злачынцу пагражае да трох гадоў зняволення.
Цікава, што ў сваім твітар-акаўнце МУС ставіць пытанне ў лоб: «У каго яшчэ ёсць пытанні, пры чым тут «Пагоня? Вось прыклад, хто яе апранае, ідучы на футбол».
Гэта выклікала крытыку інтэрнаўтаў: нельга атаесамляць нацыянальны сімвал з негатывам, як нельга атаесамляць з негатыўнымі з'явамі і дзяржаўную сімволіку.
У прэс-службе МУС адмовіліся адказваць, хто вядзе твітар-акаўнт міністэрства.