Random House выпусціць кнігі Святланы Алексіевіч у перакладзе на англійскую мову
Random House, адно з найбуйнейшых англамоўных выдавецтваў, на днях абвясціла, што на працягу бліжэйшых гадоў мае намер выпусціць тры кнігі лаўрэакі Нобелеўскай прэміі па літаратуры 2015 года Святланы Алексіевіч, паведамляе NYTimes.
У наступным годзе свет пабачыць пераклад на англійскую мову кнігі «Час second-hand». На 2017 год запланаваны выхад твораў «У вайны не жаночае аблічча» і «Апошнія сведкі».