Рэжым надзвычайнага становішча ў Францыі працягнулі на тры месяцы
Французскі парламент падоўжыў рэжым надзвычайнага становішча ў краіне на тры месяцы з-за тэрактаў у Парыжы 13 лістапада.
Прапанову падоўжыць рэжым надзвычайнай сітуацыі ўнёс прэзідэнт краіны Франсуа Аланд, урад ініцыятыву ўхваліў.
Упершыню рэжым надзвычайнай сітуацыі ўвялі пасля тэрактаў у Парыжы ў ноч на суботу 14 лістапада. Гэты рэжым прадугледжвае пашыраныя паўнамоцтвы супрацоўнікаў службаў бяспекі.