Хто ў Беларусі жыве не па сродках? КАРТА
Міністэрства фінансаў апублікавала бюлетэнь аб выкананні мясцовых бюджэтаў на 1 кастрычніка 2015 года.
Адзін з важных крытэрыяў — доля ўласных даходаў. Іншымі словамі, колькі раёны зарабляюць самі, не чакаючы датацый ад вобласці ці краіны ў цэлым.
Рэгіёны падзеленыя на чатыры колеры ў залежнасці ад долі ўласных даходаў.
Цёмна-зялёны — больш за 80%.
Светла-зялёны — 60-80%.
Жоўты — 40-60%.
Аранжавы — менш за 40%.
Раёнаў, якія зарабляюць самі больш за 80% даходаў, — усяго 10. Гэта Баранавіцкі, Брэсцкі, Віцебскі, Гродзенскі, Жлобінскі, Магілёўскі, Мазырскі, Мінскі, Салігорскі і Смалявіцкі.
З абласных гарадоў выпадае толькі Гомель.
Па карце добра відаць розніца па развіцці паміж рэгіёнамі краіны. Напрыклад, на Гродзеншчыне «выпадае» толькі Свіслацкі раён — 1 з 17, на Брэстчыне — 2 з 16, а на Магілёўшчыне такіх раёнаў ажно 13 з 21.