Парашэнка заклікаў РФ спыніць ганебную рэпрэсіўную палітыку
Пятро Парашэнка заклікаў Расію спыніць палітыку пераследаў крымскіх татараў і ўкраінцаў у Крыме і ў Расіі.
Пра гэта ён заявіў на сумеснай прэс-канферэнцыі з прэзідэнтам Польшчы Анджэем Дудам сёння ў Кіеве.
«Трэба спыніць ганебную рэпрэсіўную палітыку РФ пераследу па палітычных і ідэалагічных прыкметах як прадстаўнікоў крымскататарскага народа ў Крыме, так і прадстаўнікоў украінскай супольнасці, якая знаходзіцца пад уціскам і пераследам толькі за тое, што яны з'яўляюцца украінцамі», — заявіў ён.