У Тасманіі могуць забараніць продаж цыгарэт тым, каму няма 25 гадоў
У аўстралійскім штаце Тасманія збіраюцца падняць узроставы цэнз на продаж цыгарэт. У хуткім часе тытунёвыя вырабы змогуць купіць толькі тыя, каму больш за 25 гадоў.
Цяпер цыгарэты не прадаюць людзям маладзейшым за 18 гадоў.
Калі закон будзе прыняты, Тасманія стане рэгіёнам з адным з найстражэйшых антытытунёвых законаў у свеце.
У Тасманіі кожны пяты жыхар з'яўляецца курцом, большасць пачалі курыць, калі ім не было 25 гадоў.
У іншых штатах Аўстраліі дазволена прадаваць цыгарэты маладым людзям старэйшым за 18 гадоў.
Але ў цэлым у Аўстраліі даволі жорсткая антытытунёвая палітыка.
У 2012 годзе быў уведзены новы дызайн, аднолькавы для ўсіх тытунёвых вырабаў — аліўкава-карычневы пачак з тэзісамі пра шкоду курэння.
У Аўстраліі таксама адны з самых дарагіх цыгарэт у свеце - каля 20 аўстралійскіх даляраў за пачак (гэта каля 15 амерыканскіх даляраў).