У першыя хвіліны новага года на пажары загінулі маці і сын
У 00.10 1 студзеня з вёскі Апечкі Стаўбцоўскага раёна патэлефанавалі і паведамілі, што загарэўся дом.
Калі ратавальнікі прыбылі на месца здарэння, будынак ужо шугаў адкрытым полымем. На ложку і на падлозе выратавальнікі знайшлі нежывыя целы гаспадыні-пенсіянеркі і яе сына.
Суседзі дрэннае казалі пра сына. Па іх словах, мужчына выпіваў і курыў. Ратавальнікі мяркуюць, што менавіта гэтая шкодная звычка і прывяла да трагедыі.