Кіроўца спрабаваў абагнаць снегаўборачную тэхніку і пратараніў таксі
ДТЗ здарылася днём у Смалявіцкім раёне, паведамілі ва УДАІ УУС Мінаблвыканкама.
Кіроўца «Фальксвагена» на ўчастку з абмежаванай бачнасцю і ў зоне дзеяння дарожнага знака «Абгон забаронены» вырашыў абагнаць дарожную тэхніку. На ўздыме мужчына не справіўся з кіраваннем, яго машыну вынесла на паласу сустрэчнага руху, дзе яна сутыкнулася з таксі.
У выніку ДТЗ абодва кіроўцы пацярпелі і шпіталізаваныя ў бальніцу. Пасажыр таксі не пацярпеў. Па факце ДТЗ праводзіцца праверка.
Фота ДАІ