У сапраўдным чароўным лесе: тут быў Віні-Пух
18 студзеня, у дзень нараджэння англійскага пісьменніка Алана Аляксандра Мілна, прыхільнікі гісторый пра прыгоды плюшавага мядзведзя адзначаюць дзень Віні-Пуха. А ў гэтым годзе спаўняецца 90 гадоў з дня выхаду першай кнігі казак пра Віні-Пуха.
Мілн пасяліў сваіх герояў у чароўным лесе, які ён «змаляваў» з тапаграфіі самага сапраўднага Ашдаўнскага леса (Ashdown Forest) у графстве Усходні Сасэкс, побач з якім жыў.