Стыхія на Вiцебшчыне нарабіла шкоды
Разбурыла хаты й фэрмы, парвала электраправады, ссунула пад адхон грузавік…
У вынiку моцнага ветру хуткасьцю да 20 мэтраў у сэкунду i навальнiцы ў Вiцебскай вобласцi часова без электразабесьпячэньня засталiся 413 населеных пунктаў.
Паводле даных абласнога ўпраўленьня МНС, у шасьцi раёнах было пашкоджана 1,3 кiламетра лiнiй электраперадач, абясточаны 10 трансфарматарных падстанцый. Часткова разбураны 9 жылых дамоў i 37 будынкаў сельскагаспадарчага прызначэньня, у тым лiку 24 фермы. Паводле зьвестак на ранiцу 9 красавiка, аднаўленьне каля 30 сельскагаспадарчых будынкаў яшчэ працягвалася.
Не абышлося безь нечаканых ДТЗ. У Шаркоўшчынскiм раёне фура зьехала ў кювет, а ў Бешанковiцкiм — дрэва ўпала на «Мэрсэдэс», кiроўца якога быў шпiталiзаваны.