«Крумкачы» разгромна саступілі мінскаму «Дынама»
У першым таварыскім матчы футбольнага міжсезоння галоўная сенсацыя мінулага чэмпіянату «Крумкачы» саступілі мінскаму «Дынама» з лікам 0:5.
Першы тайм прайшоў без галоў, а ў другім дынамаўцы змаглі ўвасобіць сваю перавагу ў забітыя мячы.
Спачатку дублем адзначыўся Кірыл Прэмудраў, а затым забілі Ненад Адамавіч, Уладзімір Карыцька і Фатас Бечырай.
Чэмпіянат Беларусі па футболе пачнецца 2 красавіка. 16 камандаў маюць згуляць у два колы (30 тураў). «Крумкачы» дэбютуюць у вышэйшай лізе.