У школе на поўдні Швецыі адбыўся выбух
У школе ў Карлстадзе на поўдні Швецыі адбыўся выбух, у выніку ніхто з вучняў не пацярпеў. Пра гэта агенцтву TT паведамілі ў паліцыі, піша The Local.
TT
Паводле дадзеных праваахоўных органаў, выбух прагрымеў у спартыўнай зале. Цяпер месца здарэння абследуюць аварыйныя службы.
Сведкі паведамляюць, што пасля выбуху над будынкам навучальнай установы падняўся слуп дыму. «Быў магутны выбух, вокны і некаторыя сцены пачалі дрыжаць», — распавяла ў інтэрв'ю Aftonbladet дырэктар школы Крысціна Холмберг.
Па словах кіраўніка брыгады хуткай дапамогі, якая прыехала па выкліку на месца надзвычайнага здарэння, пакуль што ім не ўдалося выявіць, што менавіта выклікала выбух.