Актрыса Наталля Крачкоўская шпіталізаваная ў цяжкім стане
Актрыса Наталля Крачкоўская трапіла ў рэанімацыю ў цяжкім стане. Пра гэта паведамілі агенцтву «Інтэрфакс» у першай гарадской клінічнай бальніцы Масквы, куды шпіталізавалі артыстку.
ria.ru
Паводле непацверджаных звестак, у Крачкоўскай дыягнаставаны інфаркт міякарду. У сям'і актрысы распавялі, што ў яе балела сэрца.
Наталля Крачкоўская нарадзілася ў 1938 годзе. За час акцёрскай кар'еры яна знялася ў больш чым 80 фільмах. У ліку самых вядомых яе роляў — мадам Грыцацуева («12 крэслаў») і жонка Буншы Ульяна Андрэеўна ( «Іван Васільевіч мяняе прафесію»).