Трамп перамог на праймерыз рэспубліканцаў яшчэ ў двух штатах
Фаварыт у гонцы за намінацыю на прэзідэнцкіх выбарах ЗША ад Рэспубліканскай партыі, мільярдэр Дональд Трамп выйграў праймерыз партыі ў Мічыгане і Місісіпі. Па папярэдніх падліках другое месца ў Мічыгане заняў Джон Касіч.
У дэмакратаў на выбарах у Місісіпі перамагла Хілары Клінтан. Канчатковых вынікаў па штаце Мічыган пакуль няма, але, паводле папярэдніх падлікаў, Клінтан толькі нязначна апярэджвае свайго асноўнага суперніка, сенатара ад штата Вермонт Берні Сандэрса.