У турэцкім горадзе Дзіярбакыр прагрымеў магутны выбух, шасцёра загінулых
Магутны выбух прагрымеў на паўднёвым усходзе Турцыі. Як паведамляюць інфармагенцтвы, выбух адбыўся ў горадзе Дзіярбакыр каля аўтавакзала.
У выніку тэракту загінулі шэсць афіцэраў турэцкай паліцыі. Яшчэ 14 чалавек параненыя.
Паводле дадзеных турэцкіх СМІ, атака была здзейсненая на браніраваную паліцэйскую машыну, якая праязджала ў гэты момант каля аўтобуснай станцыі.
Да месца здарэння выехалі машыны хуткай дапамогі і супрацоўнікі праваахоўных органаў. Ідуць пошукава-выратавальныя работы.