Бельгія ўхваліла экстрадыцыю Салаха Абдэслама ў Францыю
Бельгійская пракуратура заявіла пра гатоўнасць экстрадаваць Салаха Абдэслама, які падазраецца ў арганізацыі парыжскіх нападаў у лістападзе мінулага года, у Францыю.
«Бельгійскія і французскія ўлады цяпер сумесна будуць вырашаць, як ажыццяўляць перадачу», — прыводзіць Рэйтэр заяву пракурора.
На мінулым тыдні адвакат Абдэслама Свен Мары заявіў, што яго падабаронны хоча як мага хутчэй вярнуцца ў Францыю.
Па словах адваката, Абдэслам хоча «патлумачыцца ў Францыі». Цяпер ён знаходзіцца ў турме бельгійскага горада Бруге.