У нядзелю ля помніка Янку Купалу ў Мінску збярэцца Беларускі нацыянальны кангрэс
Мінск, 25 сакавіка 2016 года, фота Сяргея Гудзіліна
Мікалай Статкевіч заявіў, што сябрам аргкамітэта кангрэса было адмоўлена ў памяшканні. Паводле яго слоў, літаральна ўчора яны абышлі 13 памяшканняў у Мінску, і ва ўсіх выпадках кіраўніцтва заяўляла, што на бліжэйшы час усё занята.
«Такім чынам, мы маем справу з палітычным рашэннем уладаў, накіраваным на зрыў кангрэсу», — кажа Статкевіч.
Але ён падкрэсьлівае, што ўстаноўчая сесія кангрэса ўсё роўна пройдзе.
Статкевіч заклікае ўсіх прыходзіць 15 мая да помніка Янку Купалу а 12-й гадзіне, каб падтрымаць дэлегатаў кангрэсу, «падтрымаць нашу барацьбу». Палітык таксама заклікае прыходзіць еўрапейскіх дыпламатаў, каб яны самі пабачылі, ці ёсць пазытыўныя змены ў палітыцы беларускіх уладаў.
Уладзімір Някляеў сказаў, што ўстаноўчая сесія кангрэсу, такім чынам, фактычна ператвараецца ў несанкцыянаванае мерапрыемства, і яны разумеюць, што наступствам гэтага можа быць адміністрацыйная адказнасць удзельнікаў.
Правядзеньне кангрэсу дэмсіл з мэтай кансалідацыі апазіцыі ініцыявала 17 снежня мінулага года група грамадскіх дзеячаў. На наступны дзень Мікалай Статкевіч, Уладзімір Някляеў і Станіслаў Шушкевіч абвясцілі пра стварэнне аргкамітэта па падрыхтоўцы кангрэса.
{POLL#510}