У Беларусі абмежаванае купанне на вадаёмах пяці зон адпачынку
Такая інфармацыя размешчаная на сайце Рэспубліканскага цэнтра гігіены, эпідэміялогіі і грамадскага здароўя.
Купанне дзяцей абмежавана на левабярэжжы ракі Прыпяць ад аўтамоста да рэчышча Мярлявіцы ў Мазыры.
Не рэкамендуецца купанне дзяцей і дарослых у Брэсцкай вобласці ў сажалцы каля вёскі Ляскавічы Іванаўскага раёна і сажалцы Боханава ў Лунінцы. Абмежаванні таксама тычацца Грабянёўскага возера і гарадскога пляжу на Дняпры ў Магілёве.