Робат паслізнуўся на бананавай лупіне ВІДЭА
За суткі ролік набраў больш як 1,6 млн праглядаў ў сеціве.
Кампанія Boston Dynamic паказала відэа падзення робата SpotMini, які паслізнуўся на бананавай лупіне.
Нягледзячы на ўсю няёмкасць сітуацыі, робат даволі хутка вяртаецца на ногі і працягвае свой рух.
Акрамя інцыдэнту з падзеннем, у поўным відэа таксама паказана, якія дзеянні машына можа выконваць. Робат умее хадзіць, поўзаць, падымацца па лесвіцы, а таксама маніпуляваць прадметамі невялікага памеру.
Дзякуючы галаве-клюшні з доўгай шыяй, машына можа захопліваць розныя прадметы, дастаючы іх з узвышаных месцаў. А пасля — прынесці іх чалавеку, і нават амаль аддаць.