Памерла найстарэйшая жыхарка планеты
Найстарэйшая жыхарка планеты Нгуен Тхі Чу памерла ў В'етнаме ва ўзросце 123 гадоў, паведамляюць інфармагенцтвы.
Фота ntv.ru.
У пасведчанні асобы датай нараджэння Нгуен Тхі Чу значыцца 4 мая 1893 года.
Статус найстарэйшай жыхаркі планеты пацвердзіла Акадэмія сусветных рэкордаў (WRA).
Нгуен Тхі Чу была маці 11 дзяцей. Цяпер з іх жывыя толькі двое, але колькасць унукаў, праўнукаў і прапраўнукаў доўгажыхаркі перавысіла сотню.
Калі жанчына казала пра сакрэт свайго даўгалецця, адзначала, што трэба жыць у гармоніі і добра харчавацца.
Доўгажыхарка да апошніх дзён знаходзілася ў добрай фізічнай форме.
Да дактароў яна ніколі не звярталася і не наракала на ўзроставыя захворванні.