«Белавія» не плануе адмяняць рэйсы ў Ніцу
ААТ «Авіякампанія «Белавія» не плануе адмяняць авіярэйсы ў Ніцу, дзе ў ноч з 14 на 15 ліпеня адбыўся тэракт, паведамілі ў прэс-службе авіякампаніі.
«Сёння ў нас рэйс у Парыж, заўтра — у Ніцу. Аэрапорты адкрыты, мы адсочваем сітуацыю. Калі будуць нейкія змены, мы паведамім», — падкрэслілі ў прэс-службе.
«Белавія» выконвае авіярэйсы ў Ніцу тры разы на тыдзень: у суботу і сераду (вылет з Мінска ў 8.30), а таксама ў нядзелю (вылет у 12.10).