Мюнхенскі стралок кепска вучыўся ў школе і захапляўся відэагульнямі са стральбой
Малады чалавек, які застрэліў 10 чалавек у гандлёвым цэнтры Мюнхена, кепска вучыўся ў школе і захапляўся відэагульнямі са стральбой, паведамляюць інфармагенцтвы.
Па словах крыніцы, блізкай да следства, юнак меў нестабільную псіхіку. Што да яго сувязі з радыкальнымі ісламістамі, то пакуль яна не прасочваецца. Тым не менш, гэтая версія не выключаная.
Ужо дапытаны бацька стралка, праведзены ператрус у кватэры злачынцы.
Па паведамленнях мюнхенскіх паліцэйскіх, маладому чалавеку было 18 гадоў. У пачатку 90-х ён разам з сям'ёй пераехаў з Ірана ў Германію.