Беларусы зь нецярплівасьцю чакаюць ядзернай будучыні
Намесьнік міністра энэргетыкі: «У нас у краіне сёньня ўжо больш як 50 працэнтаў грамадзян упэўнена гавораць «так» ядзернай энэргетыцы».
Насельніцтва Беларусі падтрымлівае рашэньне аб будаўніцтве ў рэспубліцы атамнай электрастанцыі. Пра гэта гэтым паведаміў намесьнік міністра энэргетыкі Міхаіл Міхадзюк у інтэрвію часопісу «Беларуская думка», якое апублікавана ў травеньскім нумары.
Ён адзначыў, што ў рэспубліцы ў 2005‑2007 гадах праводзілася сацыялягічнае дасьледаваньне па гэтай тэме. І яно паказала, што колькасьць прыхільнікаў атамнай энэргетыкі ў параўнаньні са зьвесткамі апытаньня 2005 года значна павялічылася.
«У нас у краіне сёньня ўжо больш як 50 працэнтаў грамадзян упэўнена гавораць «так» ядзернай энэргетыцы, — падкрэсьліў Міхаіл Міхадзюк. — Людзі разумеюць, што рост цэн у сьвеце на арганічнае паліва, вычарпаньне і цяжкадаступнасьць яго запасаў прымушаюць кожную краіну шукаць выйсьце».
Фота minenergo.gov.by