У Беларусь прыйшло пахаладанне
14 верасня ўмовы надвор'я Беларусі будзе вызначаць вобласць павышанага атмасфернага ціску. Чакаецца пераменная воблачнасць. Без ападкаў. Ноччу і раніцай у асобных раёнах туман. Вецер паўночна-заходні, слабы да ўмеранага.
Тэмпература паветра мінімальная ноччу +6.. + 11°С, месцамі +3.. + 5°С; максімальная днём +15.. + 20°С, па паўднёвым захадзе да + 23°С. Атмасферны ціск будзе слаба расці.
15 верасня надвор'е будзе вызначаць скандынаўскі антыцыклон, сфарміраваны ў прахалоднай паветранай масе. Ападкаў не чакаецца. Ноччу і раніцай у асобных раёнах туман. Тэмпература паветра мінімальная ноччу +3.. + 10°С, па паўночным усходзе на глебе месцамі слабыя замаразкі да 0..- 2°С, максімальная днём +14.. + 21°С, па паўднёвым захадзе +22.. + 24°С.
16 верасня ноччу надвор'е будзе вызначаць у асноўным вобласць павышанага ціску, днём - малаактыўны атмасферны фронт, які перамяшчаецца з поўначы Еўропы. Ноччу месцамі па Віцебскай вобласці, днём пераважна па паўночна-ўсходняй палове рэспублікі пройдуць невялікія кароткачасовыя дажджы. Ноччу і раніцай у асобных раёнах згусціцца туман.
Тэмпература паветра мінімальная ноччу +3.. + 10°С, максімальная днём +13.. + 20°С, па паўднёвым захадзе +21.. + 25°С.