Міністарка адукацыі Польшчы бярэ Івана Шылу пад сваю апеку
Катажына Халь запрасіла хлопца працягнуць навучаньне ў Польшчы і паабяцала яму дапамогу ў атрыманьні далейшай адукацыі.
Міністар Катажына Халь, Здымак Выборчай |
‑ Выключэнне вучня са школы перад апошнім выпускным экзаменам з’яўляецца беспрэцэдэнтным выпадкам. Згодна з дэмакратычнымі стандартамі, грамадская актыўнасць, дзейнасць па распаўсюджванні культуры і мовы свайго народу не могуць з’яўляцца перашкодай у прадаўжэнні навучання ці атрымання атэстата аб сярэдняй адукацыі — адзначыла ў сваім лісце міністр адукацыі.
Катажына Халь заявіла, што ўсе вучні, якія апынуцца ў такой сітуацыі, змогуць працягнуць навучанне ў польскай сярэдняй школе і атрымаць там атэстат.
Пра выпадак з Іванам Шылам і сваю рэакцыю на яго Катажына Халь паінфармавала еўрапейскіх міністраў адукацыі падчас нефармальнай канферэнцыі, прысвечанай праблемам міжкультурніцкай адукацыі, якая адбывалася ў Осла.