Шрубакрут стаў прычынай пажару ў Слуцку
29 кастрычніка ў 19:10 ў аддзел МНС паступіла паведамленне аб задымленні ў цэнтры тэхнічнай і прыкладной творчасці на вуліцы Леніна ў Слуцку.
112.by
Выратавальнікі прыбылі на месца здарэння праз чатыры хвіліны, з акна на трэцім паверсе ішоў дым.
У момант узнікнення пажару людзей у будынку не было, на працу цэнтра пажар не паўплываў.
У выніку агнём пашкоджаны працоўны стол і падлога ў электратэхнічнай лабараторыі.
Прычына пажару высвятляецца. Разгляданая версія — кароткае замыканне ўнутры батарэі акумулятарнага шрубакрута.