Хакеры атакавалі банкаматы ў Беларусі і краінах СНД
Міжнародная злачынная група здзейсніла шэраг аддаленых кібератак на банкаматы больш чым 10 краін, у тым ліку Беларусі, дзяржаў СНД і Еўрасаюза.
Пра гэта паведаміла агенцтва Reuters са спасылкай на міжнародную кампанію па прадухіленні і расследаванні кіберзлачынстваў і махлярстваў Group-IB.
Паводле яе звестак, нападам акрамя Беларусі падвергнуліся банкі Расіі, Арменіі, Кіргізіі, Грузіі, Малдовы, Румыніі, Вялікабрытаніі, Нідэрландаў і Іспаніі. Інфармацыі аб пацярпелых банках і сумах страт не прыводзіцца.
Сутнасць нападаў заключаецца ў тым, што пры дапамозе адмысловага праграмнага забеспячэння злачынцы прымушаюць банкаматы выдаваць наяўныя. Адзначаецца, што падобныя напады праводзіліся і раней, аднак маштаб іх быў нашмат меншы.