Ужо сёння — адкрытая лятучка з «Нашай Нівай»
Сустрэча з рэдакцыяй пройдзе 30 лістапада а 18-й у «Прэс-клубе» па вуліцы Веры Харужай, 3-601.
Уваход вольны, арганізатарамі сустрэчы выступаюць Press Club Belarus і інтэрнэт-часопіс 34mag.net.
Гаворка будзе ісці пра рэдакцыйную палітыку, падзел абавязкаў, спосабы прамоцыі матэрыялаў і пошукі людзей у каманду.
На сустрэчу завітаюць галоўны рэдактар газеты Андрэй Дынько, журналісты Настасся Роўда, Арцём Гарбацэвіч і Ягор Марціновіч, фатограф Сяргей Гудзілін і іншыя.
Падзея будзе цікавая для журналістаў, студэнтаў журналістыкі, а таксама чытачоў выдання.
Фармат прадугледжвае сесію пытанняў з залы.