Чытачы НН талакой сабралі 67% грошай, патрэбных на расследаванні. Калі ласка, далучыцеся!
Чытачы «Нашай Нівы» працягваюць збор грошай на расследаванні. Па стане на вечар 22 снежня сабрана ўжо больш за дзве траціны запытанай сумы! Калі быць дакладнымі — 6730 рублёў.
Яшчэ некалькі дзясяткаў плацяжоў былі праведзеныя праз АРІП непасрэдна на рахунак Рэдакцыі. («Талака» можа атрымліваць пераводы з картак, а праз АРІП — не.) Пасля мы абавязкова падлічым агульную суму.
Вялікі дзякуй за падтрымку! Краўдфандынгавы збор грошай працягваецца. Гэта першы такі збор у гісторыі беларускіх СМІ.